اماكن حلوة في القاهرة للفسح والخروجات.. مش هتندم تزورها

تعرف إن في اماكن حلوة في القاهرة كتير جدًا مش حتصدق إنها جنبك ومزرتهاش، وده لأن العاصمة مليانة بالأماكن الأثرية، والتاريخية، والكافيهات، والمطاعم المميزة، والفنادق، والملاهي، وأماكن ترفيهية متنوعة تناسب كل الأذواق، والمقال ده هيكون دليلك لأجمل الأماكن اللي ممكن تستمتع بيها، وهتخليك تحب البلد أكتر.

أماكن تاريخية رائعة تروي حكايات القاهرة القديمة

لو كنت مهتم بالسياحة التاريخية، فالقاهرة مليئة بالأماكن التراثية على مر العصور، بتحكي تاريخ القاهرة القديمة، ومن أشهرها:

قلعة صلاح الدين الأيوبي

من أجمل النماذج المعمارية بالقاهرة هي قلعة صلاح الدين الأيوبي، والتي تقف شامخة على تل المقطم، تشهد على قيمتها التاريخية، واللي كانت تحرس الفسطاط من هجمات الصليبين.

وخلال جولتك لازم تزور متحف القلعة، وتستمتع بالمعروضات المختلفة مثل: المشغولات الخزفية، والقطع النقدية القديمة، وجدران القلعة المنقوشة بالزخارف الرائعة من العصور الوسطى.

وكمان ممكن تزور المساجد الموجودة مثل: جامع محمد علي، وجامع النصر محمد بن قلاوون، وممكن تستمتع بالهواء الطلق في أماكن الجلوس والاستراحة في الحديقة حول القلعة.

شارع المعز وخان الخليلي

لما نتكلم عن اماكن حلوة في القاهرة لازم نذكر شارع المعز اللي حيشعرك بأنك سافرت عبر الزمن إلى العصور الإسلامية بممراته الضيقة، والحجارة الأثرية، والأبواب المعلقة الكبيرة.

وممكن هناك تزور: مسجد الأقمر، ومسجد الحاكم بأمر الله، وبيت السحيمي، وهو من البيوت التقليدية اللي تعود إلى العصر العثماني.

أما عن سوق خان الخليلي؛ فهو من أقدم الأسواق المصرية القديمة، واللي بيحتوي على محلات متنوعة لبيع مشغولات الذهب، والفضة، والمشغولات المعدنية، والملابس الفلكلورية.

فلو كنت في زيارة للقاهرة، لا تفوت سوق خان الخليلي، وتشتري الهدايا التذكارية، وتستمتع بتناول الطعام في المحلات الشعبية الموجودة

اماكن حلوة في القاهرة لخروجة مميزة بعيد عن الزحمة

القاهرة مش بس أماكن أثرية، أو تاريخية، ولكن فيها مزارات مثالية لخروجة هادئة، مع أصحابك، أو عائلتك، أو شريك حياتك، وفي نفس الوقت تجربة مميزة، وممتعة.

برج القاهرة

برج القاهرة من أبرز المعالم المصرية على نهر النيل، واللي تم تصميمه على شكل زهرة اللوتس، وبيتكون من 16 طابق بارتفاع 187 متر، وحتستمتع فيه بتجربه مميزة تبدأ من الأسانسير الزجاجي واللي بيوصلك لقمة البرج في 45 ثانية عشان تشوف القاهرة من أعلى قمة في مشهد خرافي خاصة وقت الغروب، أو في المساء وسط الأضواء.

وكمان تقدر تستمتع بتناول وجبتك، أو مشروبك المفضل مع عائلتك، أو أصحابك في المطعم الدوار في قمة البرج، وكمان تستمتع برؤية القاهرة من المنظار المكبر.

جزيرة المعادي

لو عايز تهرب من الزحمة، وتعيش أجواء هادئة، فجزيرة المعادي هي المكان المناسب، وهي عبارة عن مساحة خضراء كبيرة وسط النيل، وفيها أماكن للجلوس، ومركب صغيرة عشان تستمتع بجولة حول الجزيرة.

والمكان مناسب للعائلات، ومتاح به مطاعم متنوعة لتناول المشروبات، والأكلات الخفيفة، ويوجد أماكن مخصصة، وألعاب بسيطة للأطفال.

اماكن حلوة في القاهرة تجمع بين الهدوء والجمال

لو بتدور على أماكن سياحية مميزة في القاهرة، تجمع بين الهدوء، وعبق التاريخ، وبعيدة عن دوشة المدينة، فأكيد حيناسبك واحد من الأماكن دي:

قصر البارون

قصر البارون هو من أشهر التحف المعمارية القديمة في القاهرة، وهو قصر تاريخي عريق بني في أوائل القرن 20 على يد المليونير البلجيكي " البارون إدوارد".

وفور وصولك القصر ممكن تاخد مجموعة من الصور التذكارية المميزة، وتتجول في أنحاء القصر، وتستمتع بالتصميم المعماري المميز، والنقوش التراثية على الجدران، وتشرب قهوتك في حديقة القصر.

وبيحتوي القصر على مجموعة من التماثيل، والمنحوتات، والأعمال الفنية المميزة مثل: تماثيل بوذا، والتنين الخيالي، وهي من الموروثات الهندية، وده بالإضافة إلى مجموعة من الآثار الأوروبية مثل: التماثيل المنحوتة من الرخام الأبيض بتفاصيل يونانية، ورومانية.

كمان تقدر تحضر مجموعة من الحفلات، والفعاليات، والمعارض الثقافية، والترفيهية، والتعليمية، والتي تقام بشكل دوري داخل القصر، عشان كدة قصر البارون يعتبر مكان من اماكن حلوة في القاهرة، ومميزة جدًا.

حديقة الأزهر

تقع حديقة الأزهر في شارع صلاح سالم بمنطقة الدرب الأحمر على مساحة 72 فدان من المساحات الخضراء، وبتصميم مميز جدًا، ومستوحى من الفن، والتراث الإسلامي.

وممكن تمارس أنشطة متعددة بالحديقة مثل: الاستمتاع بالمساحات الخضراء، ونافورات المياه، بصحبة العائلة، وتناول الأطعمة، والمشروبات بالمطاعم الموجوده بها.

كمان في مكان مخصص للأطفال، وملاهي، عشان كده هي مكان مناسب جدًا للترفيه في الأعياد، والرحلات.

أماكن ترفيهية في القاهرة للعائلة والأطفال

أحسن اماكن حلوة في القاهرة مش بس المتاحف، والأماكن الأثرية، ممكن تقضي وقت لطيف، وتستمتع في المدن الترفيهية المميزة، خاصة مع أطفالك، ومن أشهرها:

كيدزانيا

كيدزانيا هي مكان ترفيهي مميز جدًا للأطفال بالتجمع الخامس في القاهرة الجديدة، وبيوفر لهم ألعاب فردية، أو جماعية واللي تناسب الأطفال من سن 4 سنوات، وحتى 14 سنة، بالإضافة إلى المسرحيات، والفعاليات المنظمة.

كمان في صالة خاصة للآباء، والمرافقين مجهزة بجميع وسائل الراحة، وركن خاص للقهوة، وتليفزيون، وشبكة إنترنت، ومكتبة للقراءة، عشان كده كيدزانيا تجربة متكاملة، ومميزة جدًا لك، ولأولادك.

دريم بارك

دريم بارك من أكبر مدن الملاهي في الشرق الأوسط، ومساحتها أكثر من 150 فدان، وبتستوعب أكثر من 30 ألف زائر يوميًا، وبتحتوي على مجموعة متنوعة من الألعاب الكهربائية منها المناسب للكبار، ومنها للأطفال.

ده بالإضافة إلى مجموعة من الألعاب المائية المميزة جدًا، وألعاب الفيديو، وكمان سينما ثلاثية الأبعاد، ومجموعة من المطاعم، والكافيهات، وخدمات تانية أساسية مثل: محلات الهدايا، وموقف للسيارات، وحمامات عامة، فلو كنت بتدور على اماكن حلوة في القاهرة للألعاب، والترفيه، فلازم تجرب دريم بارك.

اماكن حلوة في القاهرة ثقافية لعشاق الفن

لو عاوز خلال جولتك في القاهرة تستمتع بعروض مميزة للغناء، والمسرح، وعروض ثقافية، فلازم تزور الأماكن الآتية:

دار الأوبرا المصرية

دار الأوبرا من الأماكن الرئيسية اللي حتعجبك لوكنت مهتم بالسياحة الثقافية، والفن، وده لأنها من الأماكن ذات الصيت العالمي، وخاصة في الشرق الأوسط، وصعد على خشبة مسرحها أشهر نجوم الغناء، والفن قديمًا، وحتى الآن.

ومن أشهر الحفلات اللي بيتم استضافتها في دار الأوبرا المصرية: حفلات كلثوميات، وعروض البالية والرقص المسرحي الحديث، وحفلات الجاز، وموسيقى الفن الإسباني، وحفلات الأوركسترا الإيطالي.

معرض القاهرة الدولي للكتاب

لو بتعشق الكتب، والقراءة، حتلاقي اماكن حلوة في القاهرة لبيع الكتب وأهمها معرض القاهرة الدولي للكتاب، واللي من أكبر معارض الكتب في الشرق الأوسط، وحاز على لقب ثاني أكبر معرض بعد معرض فرانكفورت الدولي للكتاب في عام 2006.

وغير شراء الكتب المتنوعة، يحتوي المعرض على أنشطة إضافية مثل: عروض الموسيقى، والعروض المسرحية، والمعارض التشكيلية، وبيخليك تعيش تجربة ثقافية متكاملة، وممتعة في نفس الوقت.

وفي النهاية، لو بتدور على اماكن حلوة في القاهرة وجديدة، لازم تقرا المقال ده، وحتلاقي كل اللي أنت محتاجه سواء أماكن تاريخية، أو ترفيهية، أو حتى خروجات على النيل، المهم أنك تلاقي الحاجة اللي تناسبك وتخليك تعرف العاصمة أكثر، وتستمتع بجمالها، عشان كدة خلى كل خروجة فرصة لاكتشاف مكان جديد، وحتتفاجئ قد أيه القاهرة مليانة أماكن تستحق التجربة.